لسه تعبان يا قلبي؟
مش قادر علي جرحي؟
حاسس لسه بالمي؟
و بتسال انا ايه ذنبي؟
لا يا قلبي فوق كفايه
خلاص الجرح مات جوايا
تعالي نعيش من تاني حياتنا
و نقتل الحزن ما كفايه
حقك يا قلبي و الله لاجيبه
و اخليه يكره حتي سنينه
و ادوقه من العذاب كاسات
و انسي انك كنت حبيبه
حب ايه ده اخره لعبه
يتسلي وقت و في الاخر ينسي
و في الاخر يبعد بعيد
و يقولك سامحني و انسي
نسامح و ننسي كل العذاب؟
يا قلبي مش قادر لسه علي البعاد؟
طب فكرله يا قلبي ايه؟
ده كان معيشك جنبه في عذاب
لا يا قلبي فوق و عيش
و عليا و علي حياتي متجيش
و انسي يا قلبي الي محبنيش
عيش حياتك و متجرحنيش
انساه ده انا عن نفسي نسيته
مقدرش انكر اني في يوم حبتيه
و عشقت عينيه و قلبه هويته
لكن خلاص حبه و الله رميته
مبقاش يسوي اي حاجه عندي
اخره جرح جالي قتل قلبي
و هعيش من تاني خلاص بعده
ما انا ياما استحملت جرحي
و لا يا قلبي فوق كفايه
كفايه جراح كفايه اهانه
لا يا قلبي نعيش حياتنا
ده كتب بايديه النهايه
لا يا قلبي فوق كفايه
خلاص الجرح مات جوايا
تعالي نعيش من تاني حياتنا
و نقتل الحزن ما كفايه
موضوع: لا يا قلبي 
7/11/2008, 3:41 pm
